KALENDER – Augustus 2007

DATUM AKTIWITEITE

4 Augustus Klubaktiwiteite

11 Augustus Geen aktiwiteite

18 Augustus LIMVOV Halfjaar bestuursvergadering

19 tot 24 Zone 6 Senior en Federasie Toernooie

Augustus

25 Augustus LIMVOV Beamptes opleidingsdag

28 en 29 Augustus

Dames Wereld Hengelkampioenskappe Spanje

KALENDER – Julie 2007

DATUM AKTIWITEITE

7 Julie Klubaktiwiteite

Nasionale Senior en Junior Uitvoerendebestuurs Algemene jaarvergaderings

Matchhengel faset Algemene jaarvergadering en prysuitdelingsfunksie

14 Julie Verpligte oefendag vir Limpopo se Provinsiale spanne

21 Julie Klubaktiwiteite

Junior o/21 en o/16 Wereldkampioenskappe

22 Julie Junior o/21 en o/16 Wereldkampioenskappe

23 tot 28 Julie SA Meesterspan vs Namibia Meesterspan

28 Julie Nasionale Kleuretoekenningsaand

SKOONMAAK VAN ARABIEDAM OEWER AFGELAS

Neem kennis dat die skoonmaak operasie van die Schuinsdraai oewer afgelas is weens probleme met die bekom van 'n permit en die fooi betaalbaar.

Alle spanne kom nou in Nysltroom by die skool bymekaar waar beplanning vir die jaar sal plaasvind.

Die “custard backing”

Die "custard backing" is 'n baie gewilde backing by voorste hengelaars en is eintlik verspot maklik om te maak. Hier is hoe om dit te maak.

Wat moet jy he:

1 Eetlepel koekmeel

1 Eetlepel vlapoeier

1 Mespunt Eggyellow of Tartrazine poeier

1 Mespunt sweetener (Optioneel)

Water

Mikrogolfbestande bakkie

Mikrogolfoond

Hoe maak jy dit

Meng die vla en die koekmeel goed deurmekaar in 'n klein mengbak en voeg die tartrazine en sweetener by.

Roer goed deurmekaar tot alles gemeng is. Voeg nou water by in klein hoeveelhede en roer goed met 'n lepel. Hou aan water byvoeg totdat die mengsel 'n dukkerige tekstuur het wat stadig van 'n lepel sal afloop. Die mengsel moet nie klonte bevat nie en moet volledig gemeng wees.

Plaas die bakkie nou in die mikrogolfoond en stel dit op 1 minuut. Dit kan dalk minder tyd neem om gaar te word en persoonlike aandag is noodsaaklik. Begin kook en hou dop dat die menglel nie oorgaar word nie want dan sal dit soos rubber word.
Hou dop totdat jy sien daar is 'n klein poeletjie in die middel van die mengsel wat nog nie gaar is nie.

Haal die bakkie uit en roer die mengsel met 'n lepel sodat dit goed meng. As dit bietjie afgekoel is begin dit brei met jou hande om die tekstuur reg te kry. Moenie wag dat dit koud word nie, dit moet net hanteerbaar wees met die hande. Die tekstuur moet dieselfde wees soos die klei waarmee ons in graad 1 gespeel het. As dit te lank in die mikrogolf oond gebak word word dit te taai en is dit onbruikbaar. Maak dus seker dat jy dit dophou terwyl dit bak.

Hoe gebruik jy dit

Gebruik dit as kappie agter jou floatie, pit of jou deegie. Dit kan selfs as klein bolletjie netso op die hoe ook aangewend word. Dit word lekker sag in die water en gee 'n lekker tekstuur aan jou aas in die water wat baie aanvaarbaar is vir die vis.

Laat dit heeltemal afkoel en verpak in 'n banksakkie en hou oornag in die koelkas. Plaas dit in jou koelboks en haal uit net wanneer jy dit nodig het. Hou dit uit die son om vars te bly. Dit hou ongelukkig net vir een hengeluitstappie. As jy dit nie heeltemal laat afkoel nie sweet dit in die sakkie en dit maak die "backing" sag en smetterig en onbruikbaar.

Die "backing" is lekker lig en as dit saam met 'n floatie gebruik word is die aas "boyant" en word dit maklik deur 'n karp ingesuig. Die feit dat dit ook lekker sag raak in die water veroorsaak dat dit baie geur afgee wat ook veroorsaak dat die vis dit makliker opspoor.

Artikel en foto's deur Faan Coetzee

'n Fotobeeld - Limpopo Damesspan 2007

Limpopo Damesspan 2007

Dames SA Kampioenskappe Noordeindemeer Port Elizabeth

Nelda en Antonette

Pine, Karen en Corrie

Hannelie en Anno

Enigeiemand wat iets onder die onderwerp wil deel kan die idee of die artikel aan my epos by coetzeef@LEDET.gov.za dan sal ek dit pos op die blog.

Gebruik die geleentheid om met ander te deel sodat ons van mekaar kan leer.

Ek onderneem ook om ons Protea hengelaars om te praat om spesifieke artikels te skrywe wat ook hier gepos sal word met fotos en al natuurlik.

Kom hengelaars jy mag dalk voel jou bydrae is te nietig maar dit kan dalk wees dat niemand nog ooit daaraan gedink het nie. Vergeet ook nie dat die blog deur die algemene hengel publiek gelees gaan word nie en dit kan dalk hengelaars kan trek om te begin deelneem.

Ek wag !!!! moenie dat ek te lank wag nie !!!!!!

Faan

LAASTE WEDSTRYDE VIR MATCH HENGELAARS

South African Freshwater Bank Angling Federation
Match Angling Facet

Telephone: 011 979 2766 email: acdowney@mweb.co.za
Telefax: 011 979 2424 email: werner@thebankangler.com
Email: fearnone@mweb.co.za



4 June 2007

To: The committee and the convenors
Cc: Managers/Captains of 2007 teams, Secretaries of provinces.


Seeing that this is the last for the season, we have two matches for the weekend as discussed with everybody.

Verslag van Bospoortdam soos ingestuur deur Gideon Hayward.

Ons het die water getoets en die dieptes het gewissel van 1.0m tot en met 1.4m.
Daar is genoeg oewer en dit is baie gelyk.
Gideon het 70 vis gevang op vol Paal lengte 69 Kurpers en 1 Karp totale gewig was 9.860 Kg. 36 Kurpers was langer as 150cm maar baie lig.

Ek self het met die Matchrod gehengel en n hele paar klein Karpies en Kurpers gevang

Ek sal die water gaan Pen so ek sal vroeg daar wees om die mense te se dat daar n Kompetisie sal wees waar gepen is. Ek het vir Mornay genader om te help en hy het gese hy sal help as hy beskikbaar is.

Julle kan vir Gideon kontak vir verblyf reelings.

Gideon Hayward
Tel : 014 598-1411 Fax : 014 598-1434 Cell : 083-2777-857
E-Mail : GHaywa01@angloplat.com

Match Saturday 9 June 2007
Venue: Bospoort dam in Rustenburg
Time: Drawing of numbers 7 o clock
Duration: 5 hours match

Match Sunday 10 June 2007
Venue: Bospoort dam in Rustenburg
Time: Drawing of numbers 7 o clock
Durtation: 5 hours match
Don”t forget your platforms.


Don’t forget the Prize giving on 7th July 2007 . We will mail you with the final details.

We look forward to seeing you all at the last matches before our Prize giving.

Secretary
082 569 4191

Noordelike Swerwers Hengelklub

Die klub se besonderhede is as volg;

Voorsitter – M. C. Neil (Craig) craigneil@xsinet.co.za, 0126549868, 0824487226
Sekretaris / Tesoerier J. Lombard (Jan Pad) janpad@computraining.co.za, 0791004570
Suid Streek Rep – J Dunn, Johan johandunn@mweb.co.za, 0765191259
Sentrale Streek Rep (Modimole, Bela-Bela & Naboom) M. Combrink (Martin) lim.modimole.dpo@saps.org.za, 0832614435
Noordelike Streek (Mokopane, Polokwane, Makhado, Tzaneen) J.A.C. vd Lith (Koos) jvdlith@lantic.net, 0824937661

Skakel gerus een van die lede vir verdere besonderhede oor hoe om om aan te sluit.

Anguilla hengelklub

Klub is gesetel in Polokwane

Labeo Hengelklub

Klub is gesetel in Polokwane en diegene wat belangstel om by die klub aan te sluit kan die volgende persone skakel.

Voorsitter: Pine Pienaar 0836276854
Vise Voorsitter: Gert Fourie 0827889529

Match hengelaars hengel wedstryd in Doorndraaidam

Die Limpopo Provinsie het onlangs 'n wedstryd vir die Match Hengelfaset in die Doorndraaidam aangebied.

Die vis het egter nie gebyt soos wat enige hengelaar graag sou wou he nie maar nietemin het heelwat vis op die dag uigekom.

Die wedstryd was aangebied in die Doorndraaidam op die 12 de Mei 2007 en was bygewoon deur verskeie protea hangelaars van sover as Gauteng en die Vrystaat.

Die faset is relatief nuut en het vir die eerste keer die jaar 'n Nasionale kampioenskappe aangebied in die Bloemhofdam. Die faset is ook een van die twee fasette waarin hengelaars internasionale deelname in wereld kampioenskappe kan verwerf.

Vir enige navrae kan Faan geskakel word by 0828098927 of epos coetzeef@LEDET.gov.za

Die wedstryd was gewen deur Martin Van Gastel van Sentraal Gauteng in die senior mans afdeling. 'n Plaaslike hengelaar Nelda Myburg het by die dames gewen en Mohhamed Hassin het die junior afdeling gewen.

SPANWERK : DIE WET VAN DIE DIVIDENDE

Bellegging in jou span vermenigvuldig mettertyd

Ek is daarvan oortuig dat die meeste mense besef dat almal in die span by belegging in ‘n span baat. Die vraag wat meeste mense egter vra, is nie hoekom nie, maar hoe. Hier is tien stappe wat gebruik kan word om ons span te bou:

Neem die besluit om die span te bou; dit begin die belegging in die span

Daar word gesê dat elke reis by die eerste tree begin. Die besluit dat mense in die span die moeite werd is om te ontwikkel, is die eerste stap om ‘n beter span te bou. Dit vereis toewyding.

Kry die allerbeste span bymekaar ... dit verhoog die potensiaal van die span

Die besluit dat mense in jou span die moeite werd is om te ontwikkel, is die eerste stap om ‘n beter span te bou.

Betaal die prys om die span te ontwikkel... dit verseker die groei van die span

Dit kos iets om die span te ontwikkel. Jy sal tyd moet afstaan wat vir persoonlike produktiwiteit gebruik kon word. Jy sal geld moet spandeer wat tot persoonlike voordeel aangewend kon word. En soms sal jy jou persoonlike agenda eenkant toe moet skuif. Die voordeel vir die individue – en die span – is egter die prys werd. Alles wat jy gee is ‘n belegging

Doen dinge saam as span... dit gee samehorigheid aan die span.

Selfs as jy die wedstryd van jou lewe gehengel het sal dit die gevoel van spanwerk wees wat jy onthou. Jy sal selfs die aantal vis, massa en punte vergeet maar jy sal nooit jou spanmaats vergeet nie. Die enigste manier waarop eensgesindheid en samehorigheid onder spanmaats kan ontwikkel, is om dinge saam te doen.

Bemagtig spanlede met verantwoordelikhede en gesag... dit kweek leiers vir die span

Die grootste groei vir mense vind plaas as gevolg van probeer en tref persoonlike ervarings. Enige span wat wil hê dat mense ‘n hoë vlak van prestasie – en hoër vlakke van leierskap – moet bereik, moet vir spanlede gesag sowel as verantwoordelikhede gee. Leiers in spanne moet nie jou posisie beskerm of jou mag opgaar nie. Gee dit weg. Dit is die enigste manier om jou span te bemagtig.

Gee krediet vir sukses aan die span... dit lig die moreel van die span

Mark Twain het gesê : “Ek kan twee maande lank leef van een goeie kompliment”

Dit is hoe die mense voel. Hulle is bereid om hard te werk as hulle erkenning ontvang vir hulle pogings. Dit is waarom Napoleon Bonaparte gesê het: ‘n sodaat sal lank en hard veg vir ‘n stukkie gekleurde lint. Komplimenteer jou spanmaats. Praat positief omtrent spanmaats en hulle prestasies. En as jy die leier is, dra die blaam maar neem nooit die krediet nie. Doen dit en jou span sal altyd vir jou veg.




Wag en kyk hoe lonend die belegging in jou span is... dit gee die span aanspreeklikheid

As jy geld belê verwag jy opbrengs – miskien nie onmiddelik nie , maar wel mettertyd. Hoe sal jy weet of jy grond wen met jou belegging? Jy moet daaraan aandag gee en sy vordering meet.

Dieselfde geld vir beleggings in mense. Jy moet kyk of daar opbrengs is op die tyd, energie, en middele wat jy in hulle belê. Die belangrikste resultaat wat jy wil sien is groei.

Beeindig jou belegging in spelers wat nie wil groei nie... dit illimineer groter verliese vir die span

Een van die moelikste ervarings vir ‘n spanlid is om ‘n spanmaat agter te laat. Tog is dit wat jy moet doen as iemand in jou span weier om ter wille van die spanmaats te groei of te verander. Hou dus op om tyd te mors op iemand wat nie kan of wil beter raak nie. Dit moet egter nie beteken dat jy minder vir hom omgee nie.

Skep nuwe geleenthede vir die span... dit stel die span in staat om te strek

Daar is geen groter belegging om in ‘n span te maak as om dit nuwe geleenthede te bied nie. Dit gee die span geleentheid om te groei en dit bevoordeel die span asook die individu. Elkeen het dus die geleentheid om sy potensiaal te bereik.

Gee die span die allerbeste kans om te slaag... dit waarborg ‘n hoe opbrengs aan die span

Waar daar ‘n wil is is daar ‘n weg, waar daar ‘n span is daar meer as een weg. Om bymekaar te kom is ‘n begin, om bymekaar te bly is vordering. Om saam te werk is sukses. Maak persoonlike opofferings vir jou span, help ander wat sukkel om beter saam te werk en skep ‘n geleentheid en ruimte vir die span om sy allerbeste te kan gee.

DIE OUTEUR VAN DIE BOEK 17 ONBETWISBARE WETTE VAN SPANWERK – JOHN MAXWEL Sê DIT OOR SY EIE SPAN

My span maak my beter as wat ek is
My span vermeniguldig my waarde vir ander
My span stel my in staat om te doen wat ek beste doen
My span gee my meer tyd
My span verteenwoordig my waar ek nie kan gaan nie
My span verleen gemeenskaplikheid vir ons plesier
My span vervul my hartsbegeertes.

As jou huidige spanervarings nie so positief is soos jy graag sou wou he nie, dan is dit tyd om jou vlak van belegging te verhoog. Om ‘n span te bou vir die toekoms is net soos om ‘n finansiele neseier te ontwikkel. Dit kan dalk stadig begin, maar wat jy insit, bring opbrengs – soortgelyk aan die manier waarop saamgestelde rente in finansies funksioneer. Probeer dit en jy sal vind dat die wet van die dividende werklik werk. Belegging in die span vermenigvuldig mettertyd.

SPANWERK : DIE WET VAN HOE MOREEL

“Wanneer jy wen maak niks seer nie”

Tydens die 1996 Olimopiese spele het die Amerikaanse vroue gimnastiekspan die eerste keer in die geskiedenis die Olimpiese Goud gewen. ‘n jong Gimnas Kerri Strugg was in die posisie om met die laaste sprong op die vloer oefening die goud vir haar span en haar land vir die eerste keer te wen. Haar eerste sprong het misluk en sy het op haar voete gegly en geval en haarself beseer. Gelukkig het die vroue ‘n tweede sprong en sy kon dus met ‘n goeie tweede sprong nog wen maar nou was sy beseer. Sy kon ophou en haar span kon moontlik nog wen sonder haar eerste sprong maar die sterkste gimnas van Rusland moes nog haar sprong doen en ‘n hoë telling sou hulle beslis laat wen. Strug het dus geweet wat sy sou moes doen. Sy moes haar tweede sprong slaag. Haar afrigter het haar genader en gevra; “Gee my een laaste sprong, Gee my een laaste goeie sprong” Sy het toe nie geweet dat twee van haar ligamente in haar linker enkel geskeur het nie. Die sprong was goed en sy het op haar voete beland maar toe verskriklike pyn ervaar. Terwyl sy op een voet staan het sy glimlaggend die beoordeelaars gesalueer en toe inmekaar gesak. Sy het haar sprong geslaag, ‘n goeie punt gekry en haar span het goud gewen. Haar afrigter het haar na die podium gedra om haar medalje te gaan haal. Sy kon asgevolg van die besering nie aan haar beste individuele item wat nog moes kom deelneem nie, ‘n doelwit waaraan sy 4 jaar lank gewerk en vasgeklou het. Sy het haarself dus letterlik vir die span opgeoffer.

Strug se eie woorde was reguit en eenvoudig: “Wanneer jy goed doen, dink jy dit was die moeite werd. Wanneer jy so baie opoffer en jy doen uitendelik goed, dan voel dit regtig goed” Met ander woorde, wanneer jy wen, maak niks seer nie. Dit is die wet van Hoë Moreel.

Hoë moreel is noodsaaklik om die regte omstandighede te skep vir enige span om op die hoogste vlak te presteer.

HOë MOREEL IS WONDERLIK

As die span wen is die moreel hoog, en as die moreel hoog is dan is die span in ‘n posisie om te wen. Hoe moreel kom dus eerste omdat dit die positiewe dinge wat in ‘n span gebeur vergroot.

Hoë Moreel is die groot oordrywer

Wanneer die hele span positief is en al die spelers voel goed opmtrent hulle self, lyk alles goed. Dit is asof voorbereiding gladder verloop. Dit lyk asof elke gelukslag na jou kant toe kom. Die klein oorwinnings lyk soet, en die grotes laat jou byna oorweldig voel. Dit is die werk van die groot oordrywer.

Hoë Moreel maak positief.

Wanneer die span hoe moreel het, beweeg die prestasie van die spelers na ‘n heeltemal nuwe vlak. Die span konsentreer op sy potensiaal, nie sy probleme nie. Spanlede word meer toegewyd. En almal vind dit makliker om onselfsugtig te wees. Spanlede is vol vertroue, en daardie vertroue help hulle om op ‘n hoër vlak te presteer.

Wanneer ‘n span verloor gebeur die teenoorgestelde. Spelers fokus op hulle probleme, toewyding daal, en almal sorg eerder vir hulle self as vir mekaar. Wanneer jy dus verloor maak alles seer.



Hoë Moreel is die groot energie wekker

Hoë moreel gee ‘n span energie. Spelers word soos energizer hasies: hulle hou aan en aan. Geen berg lyk te groot nie. Geen resies te lank nie geen vis te groot nie. Hulle entoesiasme bou saam met hulle energie op en die span ontwikkel ‘n onstuitbare momentum.

Hoë Moreel is die groot sifter

As gevolg van die momentum en energie wat daarmee saamgaan word moreel ook die groot sifter. Terwyl ‘n span verloor en swak moreel ervaar deur selfs die kleinste probleempie seergemaak kan word, sal ‘n span met hoë moreel voortgaan selfs wanneer ‘n reuse struikelblok of – terugslag wat hulle andersins sou lamlê onder die oë gesien moet word. Dit lyk of probleme verdwyn – ongeag hoe groot dit is.

Hoë Moreel is die groot bevryder

Wen skep ‘n blaaskans. ‘n Goeie span met hoë moreel sal daardie blaaskans gebruik om risikos te neem en nuwe idees, nuwe tegnieke en konsepte op die proef te stel wat dit andersins dalk nie sou doen nie. Deur die dinge te doen onstaan kreatiwiteit en inovering. Op die duur bevry hoë moreel die span om sy potensiaal te bereik.

SPANWERKGEDAGTE

Wanneer jy goed doen dan voel jy goed- wanneer jy goed voel dan doen jy goed- kom ons voel dan goed.

HOE OM ‘N BETER SPANLID TE WORD.

As jy die vrugte van die Wet van die Hoë Moreel wil pluk, kan jy nie wag todat jou moreel hoog is voordat jy begin presteer nie.Jy moet jou pad om so te voel betree terwyl jy oefen, nie voel-voel jou pad na oefen betree nie. Begin deur op te tree op ‘n vlak van uitmuntendheid wat pas by iemand wat ‘n wenseisoen beleef. Jou toewyding en entoesiasme sal jou prestasie help – en sommige van jou spanmaats inspireer.

SPANWERK : DIE WET VAN DIE VOORDEEL

“ Die verskil tussen twee spanne wat ewe talentvol is, is leierskap”

Spanne soek altyd ‘n voordeel. Balsporte werf nuwe talent of ontwikkel nuwe taktiek om sterk oponente te klop. Besighede belê in die jongste tegnologie. Almal soek die tower formule wat tot sukses sal lei. Ons as hengelaars soek voortdurend na ‘n magiese dip of die grondvoer wat die beste sal werk, en hoe meer kompeterend die oposisie is hoe meer genadeloos is die soektog.

Wat is die sleutel tot sukses? Is dit talent, Harde werk? Tegnologie? Doeltreffendheid. Om suksesvol te wees het ‘n span al daardie dinge nodig, maar dit het nog iets nodig. Dit het leierskap nodig.

Personeel bepaal die die potensiaal van die span
Visie bepaal die rigting van die span
Werksetiek bepaal die voorbereiding van die span
Leierskap bepaal die sukses van die span.

Alles staan en val met leierskap. As ‘n span uitstekende leierskap het, kan dit Alles kry wat dit nodig het om tot die hoogste vlak te gaan. Kyk maar na enige van ons sportsoorte en die spanne wie goed gevaar het se leierskap was goed. Ons het die rugby wêreld beker gewen met Franscois Pienaar as leier. Ons eie proteas wen gewoonlik hulle toetse en dit is veral Neville Burr Dixon se leierskap wat genoem word as deel van die sukses.

Leierskap het te doen met hoe om spelers te verstaan, hulle bymekaar te bring, en hulle te kry om as span saam te werk om hulle potensiaal te bereik.

MOET HOëR GELIG WORD

Met goeie leierskap verbeter alles. Leiers is mense wat ander hoër lig. Hulle druk die denke van hulle spanmaats verby ou grense van kreatiwiteit. Hulle lig ander se prestasie hoër, maak hulle beter as wat hulle ooit tevore was. Hulle verbeter hulle vertoue in hulleself en mekaar. En hulle verhoog die verwagtinge van almal in die span. Die sleutel is dus om met mense te werk en hulle beste na vore te bring.

HOE OM DIE BORDJIES TE VERHANG

Leierskap is die sleutel tot die wet van die voordeel, maar moenie die idee kry dat die verantwoordelikheid van leierskap altyd by een persoon berus nie. Die werklike leierskap in ‘n span word gedeel. Die idee dat een persoon altyd die leiding neem is nie waar nie. Dieselfde persoon behoort nie die span in elke situasie te lei nie. Die uitdaging van die oomblik bepaal gewoonlik die leier vir daardie uitdaging omdat elke persoon in die span sterkpunte het wat benut kan word om daardie uitdaging die hoof te bied. Die spanleier moet dus sy spanlede so goed ken dat hy die regte leier vir die regte uitdaging kan kies en aanwys.

‘’n Goue gedagte: Almal is belangrik, maar almal is nie gelyk nie”.

HOE OM DIE SPAN ‘N VOORSPRONG TE GEE

In wese is leierskap soos ‘n onafgebroke voorsprong vir die span. Leiers sien verder as hulle spanmaats. Hulle sien dinge vinniger as hulle spanmaats. Hulle weet wat gaan gebeur en kan dit antisipeer. Hulle kry dus die span voor die tyd aan die beweeg in die regte rigting, en die span is dus in ‘n posisie om te wen. Hoe groter die uitdaging, hoe groter die behoefte aan die talle voordele wat leierskap bied. En hoe meer leiers die span ontwikkel, hoe groter is die voordeel van leierskap. As jy dus wil wen en oor ‘n lang tyd wil wen moet jy spelers in die span afrig om beter leiers te word.

SPANWERK GEDAGTE

Alles staan en val met leierskap.

HOE OM ‘N BETER SPANLID TE WORD

Jy hoef nie die leier in die span te wees om ‘n leier in ‘n span te wees nie. Begin vandag die proses waardeur jou leierskapsvaardighede verbeter word. Doen die volgende:

Erken die waarde van leierskap
Neem persoonlik die verantwoordelikheid vir jou leierskaps groei.
Skryf jouself in vir leierskapsontwikkelings programme.
Vind ‘n leierskapsmentor.

As jy eers waarde aan jouself toegevoeg het , sal jy aan ander waarde kan toevoeg – en ander beinvloed om jou span te help.

SPANWERK : DIE WET VAN KOMMUNIKASIE

“Interaksie vuur aksie aan”

“Doeltreffende spanne het spanmaats wat voordurend met mekaar praat.”

Enkele riglyne tot suksesvolle kommunikasie:

Van leier tot span

Leierskap staan of val met leierskap. ‘n Leier moet doeltreffend kan kommunikeer om te kan lei. Die spanleier moet die volgende standaarde volg om dit te kan doen:

Wees konsekwent in besluitneming
Wees duidelik en reguit met wat jy wil sê en bereik
Wees hoflik teenoor almal om jou

Die leier se kommunikasie bepaal die toon vir die wisselwerking van die span.

Van spanmaats tot leier

Goeie spanleiers wil nooit ja-broers hê nie. Hulle wil direkte, eerlike kommunikasie van hulle mense hê. Tydens spanpraatjies kan die beste idee slegs wen as almal openlik en opreg kommunikeer.Om alles op die tafel te hê verbeter die span.

Buiten reguit te wees is respek die ander eienskap wat spanlede teenoor hulle leier moet betoon wanneer hulle kommunikeer. Dis nie maklik om ‘n span te lei nie, dit is harde werk. Dit vereis persoonlike opoffering. Dit vereis soms dat moeilike en ongewilde besluite geneem moet word. Spanlede moet dus die persoon wat ingestem het om daardie rol te vervul respekteer en lojaal wees teenoor hom.

Onder spanlede

Min mense is suksesvol tensy baie ander mense wil hê dat hulle suksesvol moet wees. In ‘n span wat graag suksesvol wil wees, moet almal ter wille van almal kommunikeer. Dit beteken dat die volgende eienskappe openbaar moet word.

Wees ondersteunend: Moenie vra wat jou spanmaats vir jou kan doen nie maar vra wat jy vir hulle kan doen.
Bly op datum: Spanmaats wat ou probleme voortdurend uit die sloot grawe en voortdurend ou wonde oopkrap werk nie saam nie. En as hulle nie saamwerk nie is hulle verlore.
Wees kwesbaar: Spanne is soos klein gemeenskappe, en hulle ontwikkel net as die mense in hulle nie valse houdings teenoor mekaar inneem nie.

Spanne slaag of val met betrekking tot die manier waarop spanlede met mekaar kommunikeer.





Tussen die span en die publiek

Wanneer spanlede deur ander mense genader word, moet hulle drie punte onthou: hulle moet ontvangklik wees, reageer en realisties wees. Buitestaanders sal sien dat hulle belange goed aanvaar word. Verder is eenheid die belangrikste eienskap in ‘n span wat dit kan weerspieël.

“‘n Goue gedagte: Om saam te werk is om saam te wen”

SPANWERKGEDAGTE

“Kommunikasie verhoog verbondenheid”

HOE OM ‘N BETER SPANLID TE WORD.

Hoe toegewy is jy tot kommunikasie met die ander lede in die span? Ondersteun jy almal, selfs diegene wat nie jou vriende is nie? Is jy oop en kwesbaar, al is dit nie aangenaam nie? Koester jy ‘n grief teen enigiemand in jou span? Indien wel moet jy sake in die reine bring. As daar enige mure is tussen jou en ‘n ander spanlid wat goeie kommunikasie benadeel, moet jy dit verwyder. Dit is jou verantwoordelikheid.

SPANWERK : DEI WET VAN IDENTITEIT

“Gedeelde waardes defineer die span”

Miskien was jy al ‘n lid van ‘n span met ‘n gebrek aan samehorigheid. Dit is veral van toepassing in groot organisasies waar baie mense deelneem en spanne gekies word en die lede mekaar nie noodwendig persoonlik ken nie. Dit neem dan tyd en ‘n groot poging om samehorigheid te kweek. Dit is hier waar die wet inskop want gedeelde waardes defineer die span.

Selfs al ken hulle nie mekaar nie, en persoonlike verhoudings nie bestaan nie kan ‘n gemeenskaplike visie en gedeelde waardes so ‘n span steeds aan mekaar, en die span verbonde bly. Ons kan ‘n gesamenlike doelwit hê maar elkeen in die span het sy eie idee van wat belangrik is. As gemeenskaplike waardes in so ‘n span kortkom sal die gevolg gaoties wees. Uiteindelik stort die span in duie as elkeen dinge op sy eie probeer doen. Dit is die rede waarom die spanlede op dieselfde bladsy moet wees.

DIE WAARDE VAN WAARDES

Waardes help ‘n span om meer samehorigheid te hê en doeltreffend te word. Gedeelde waardes is soos volg:

Gom

Wanneer moeilike tye kom – en elke span ervaar dit – hou waardes mense bymekaar. As spanlede nie weet wat hulle waardes is – en dit uitleef – nie, is hulle kanse om as ‘n eenheid te werk en hulle potensiaal te bereik uiters gering.

‘n Fondament

Alle spanne het ‘n fondament nodig om goed te presteer en te groei. Waardes skep hierdie fonament wat daardie dinge moontlik maak. Dit geld vir groei van feitlik elke tipe vehouding. ‘n Span het iets nodig om op te bou en waardes vorm die fondament.

‘n Liniaal

Waardes help ook om die norms vir ‘n span se prestasie daar te stel. Norms is iets wat meetbaar moet wees waarmee die spanlede kan identifiseer.

‘n Kompas

“As jy eers jou etiese waardes prysgegee het is die res kinderspeletjies”. (JR Ewing, van Dallas).

Enigeiets is aanvaarbaar vir iemand sonder waardes. As individue sterk waardes aangryp, het hulle ‘n morele kompas wat hulle help om besluite te neem. As ‘n span ‘n stel waardes identifiseer en aangryp, sal mense na ‘n maand, ‘n jaar of ‘n dekade steeds weet of hulle in die regte rigting beweeg.

‘n Magneet

‘n Span se waardes trek mense met dieselfde waardes na die span. Wie jy is, is wie jy aantrek. Mense trek ander enersdenkendes aan.


‘n Identiteit

Waardes defineer die span en gee dit ‘n unieke identiteit. Wat jy glo identifiseer wie jy is.

Moeder Theresa het die volgende gese;

“Jy kan doen wat ek nie kan doen nie, en ek kan doen wat jy nie kan doen nie. Saam kan ons groot dinge doen.”

As elke lid van die span hierdie filosofie sy eie maak en die benadering aangryp kan ons net groot dinge verwag.

SPANWERK : DIE WET VAN DIE RESERWEBANK

“Groot spanne het groot diepte”

Hierdie wet gaan suiwer oor reserwe spelers en is dus minder van toepassing op ons situasie as op ander sportsoorte soos rugby en sokker. As ‘n span gekies is, is hy gekies en reserwes kan nie lukraak ingebring word om sekere impakte te bewerkstellig soos in rugby nie.

Ons span se diepte lê in die ses hengelaars wat deel uitmaak van die span. Aanvullings van buite is gewoonlik onmoontlik om te bewerkstellig as jy reeds toer. Daarom is spankeuse vir ons meer belangrik as in ander sporte. Dit is ook kardinaal belangrik om spanlede op die regte meriete te kies om seker te maak jy het die regte spanlede vir die regte doel wat jy hulle voor nodig het. Vir die eerste keer is ‘n span gekies uit aktiewe wedstryd hengelaars wie reeds baie volledig toegerus is en aktief aan die faset deelneem. Ontwikkeling van hengelaars is dus kardinaal belangrik in enige provinsie om die wet te laat werk, en dit strek oor ‘n lang tydperk. Weereens speel die wet van die telbord ‘n groot rol want hengelaars word gemeet teenoor individuele prestasie oor ‘n tydperk om te bepaal wie gekies gaan word. Hoe beter alle hengelaars dus ontwikkel hoe sterker word jou reserwemag. Namate die kwaliteit van hengelaars styg, styg die kompetering om in spanne opgeneem te word en vereis dit dus groter pogings van individue om te slaag en hier het ons weer te doen met die wet van Mount Everest. Die faset se groot gevaar lê egter daarin dat ons met die min hengelaars wat deelneem maklik kan begin dink dat ons goed is wat ontwikkeling kan strem.
Dit is dus baie belankrik om te belê in jou reserwe spelers want hulle is jou aanvangspelers vir die toekoms.

SPANWERK : DIE WET VAN DIE TELBORD

“Die span kan aanpassings maak as hulle weet waar hulle staan”

Geen span kan doelgerig aan ‘n sport deelneem sonder om te weet waar hulle staan nie. Aanpassinsg moet voortdurende gemaak word namate omstandighede verander om in die doel te slaag. Om dus te weet hoe jy op die telbord vaar is belangrik en dit sal bepaal watter aanpassings jy as span sal moet maak om jou poging te verbeter om teen die telbord te kan opskuif.

Ons gaan ook probeer om ‘n spelplan op te stel wat suiwer gebaseer is op gegewes wat in die verlede plaasgevind het. Die oomblik as die eerste sein gegee word en die kompetisie begin, is die plan baie belangrik maar die telbord niks nie. Namate die wedstryd vorder beteken die spelplan al minder en word die telbord al belangriker. Hoekom, omdat die spel voortdurend verander. Jy sien die spelplan sê vir jou wat jy wil hê moet gebeur maar die telbord sê vir jou wat besig is om te gebeur.

Die telbord sê dus vir jou wat jou werklike situasie is en indien jou spelplan besig is om jouself in die voet te skiet moet verandering plaasvind om die situasie te verander. Spanlede moet dus die vermoeë besit om buigsaam te wees en kreatiewe verandering te kan maak. Die telbord is op die volgende maniere noodsaaklik vir enige span:

Die telbord is noodsaaklik vir begrip

“Die telbord gee ‘n beeld van die spel op enige gegewe oomblik”

Selfs al kom jy laat by enige stadion vertel die telbord vir jou presies wat gebeur het en wat besig is om te gebeur. In hengel het ons ongelukkig nie ‘n telbord nie en dit maak dit vir die hengelaars moeilik om die wet te gebruik en tog is die wet die belangrikste wet tydens die kompetisie. Sommige dae is dit makliker om te bepaal as ander. Wanneer vis egter teen groot tempo uitkom verloor mens maklik tred met die telbord. In ‘n wereld kampioenskappe is dit selfs moeiliker want jy konsentreer so op jou eie aksies dat dit onmoontlik is om tred te hou hoe jy vaar. Hier kan die span kaptein en ander helpers hengelaars op hoogte hou aangesien daar wel telbord gehou word in elke sone.

In die Paalhengel wêreldkampioenskappe bv. Is daar ‘n “Marshall” vir elke hengelaar wie telling hou van die aantal vis wat die hengelaar gevang het en dit word op ‘n bordjie aangebring agter die hengelaar. Jy weet dus hoe goed of sleg jy in die sone vaar en kan aanpassings maak waar nodig.

Die telbord is noodsaaklik vir evaluasie

Persoonlike groei is die sleutel tot sukses. Die sleutel beginsel is:

Groei = Verandering

Wat groei betref is verandering alleen nie genoeg nie. Jy moet seker maak dat jy in die regte rigting verander. Daarom moet elke spanlid en jy jouself kan evalueer wat sal bepaal of verandering nodig is en in watter rigting dit gestuur moet word. Om te evalueer is dit nodig om ‘n telbord te hê want dit gee jou voortdurend terugvoering.




Die telbord is noodsaaklik vir besluitneming

As jy eers jou situasie ge-evalueer het is jy gereed om besluite te neem. In hengel weet die hengelaar of die spanbestuur daar is verandring nodig as die spanlid se tempo te stadig is, of hy net klein vis gevang kry. Die telbord wys die tendens uit en die regte aanpassings wat nodig is kan dan gemaak word om te slaag.

Die telbord is noodsaaklik om te kan aanpas.

Hoe hoër die vlak waarop jou span meeding hoe kleiner word die aanpassings wat nodig mag wees om jou beste te bereik.Die geheim van wen lê daarin om sleutel aanpassings te maak, en die telbord help jou om te sien waar die aanpassings gemaak moet word.

Die telbord is noodsaaklik om te kan wen.

Uiteindelik kan niemand sonder die telbord wen nie. Hoe sou jy sonder die telbord weet wanneer die wedstryd op die spel is? Hoe sou jy weet die tyd raakmin as jy nie na die telbord kyk nie? Gebruik die telbord as inspirasie om te verander waar nodig en te groei tot in ‘n wen posisie.

SPANWERKGEDAGTE

Wanneer jy weet wat om te doen, kan jy doen wat jy weet.

SPANWERK : DIE WET VAN DIE PRYSKAARTJIE

“Wanneer die span versuim om die prys te betaal, word sy potensiaal nie bereik nie”.

As ‘n span nie sy potensiaal bereik nie, is vermoeë selde die probleem. Dis ook selde ‘n kwessie van middele. Dis feitlik altyd ‘n kwessie van betaal. Een van die redes waarom spanne versuim om die prys te betaal ten einde hulle potensiaal te bereik is omdat hulle die wet van die pryskaartjie verkeerd verstaan.

Daar is 4 waarhede aangaande hierdie wet te noem wat jou sal help om dit self duidelik te verstaan.

Almal moet die prys betaal

Elke spanlid moet iets prysgee om ‘n lid van die span te wees. Dit mag ‘n valse rol wees wat jy jouself toege-ein het of om stil te bly, of om ‘n geheime aas ??? te deel of ‘n tegniek of so iets. Jy gee sekerlik iets prys, maar jy kry egtheid in ruil. Verder vernietig die span nie individuele prestasie nie, dit bemagtig eerder persoonlike bydraes!

‘n Goue gedagte: Tensy almal die prys betaal om te wen, sal almal die prys betaal deur te verloor!!!”

Moenie dink dat terwyl ander spanlede hard werk jy jou potensiaal kan bereik deur te dobber of water te trap nie. Dit werk nie.

Die prys moet deurlopend betaal word

Somige sportmanne glo dat as hulle ‘n doelwit bereik het, hulle nie verder hoef te groei nie. Die dag wat hulle ophou groei, is die dag wat hulle hulle potensiaal prysgee – en daarmee saam die potensiaal van hulle span. Solank jy groen is groei jy. Sodra jy ryp is, begin jy vrot.

Bestemmingsiekte is net so gevaarlik vir ‘n span as wat dit vir enige individu is. Dit laat ons glo dat ons kan ophou werk, ophou streef, ophou om die prys te betaal – en nog steeds ons potensiaal bereik. Daar bestaan geen plaasvervanger vir werk nie. Dit is die prys vir sukses. Oorwinnings kom ook nie teen afslagpryse nie, as jy dus jou potensiaal wil bereik moet jy nooit verslap nie.

Die prys verhoog as die span wil verbeter, verander of aanhou wen

Daar is min deurlopende kampioene in sport. Om ‘n kampioen te word het ‘n prys maar die prys is selfs hoër om ‘n kampioen te bly. Om jou beste te verbeter, kos selfs nog meer. Hoe hoër jy is, hoe meer moet jy betaal om selfs net klein veranderings aan te bring.

Meer prakties gestel om bo te kom moet jy oefen, slyp en skaaf. Om daarop te verbeter moet jy meer oefen en nog oefen, skaaf en slyp. Dit vra dus meer opoffering, meer prys om te betaal.

Om as span te verbeter moet die individu die prys betaal sodat die span die prys kan betaal.

Die prys verlaag nooit

Die meeste mense wat opskop gooi nie tou op aan die voet van die berg nie maar hulle draai halfpad om. Niemand begin iets met die doel om te verloor nie. Niemand kan ‘n spanlid dwing om die wil te hê om te slaag nie. Elkeen moet in sy eie hart besluit of die doelwit die prys werd is. Elkeen behoort egter te weet wat betaal sal moet word vir die span om te wen.

DIE PRYS VAN SPANWERK

Om spanspelers te word, sal daar minstens die volgende van jou en jou spanmaats verwag word:

Opoffering

Daar kan geen sukses wees sonder opoffering nie. Hy wat min wil bereik, moet min opoffer. Hy wat baie wil bereik, moet baie opoffer. Ongeag van hoeveel jy vir jou span gee, op een of ander stadium sal van jou verwag word om meer te gee. Dit is die aard van spanwerk. Die span bereik slegs die topunt deur sweet, bloed, en opoffering van die spanlede.

Verbind jou tyd

Spanwerk is nie goedkoop nie dit kos jou tyd – dit beteken jy betaal daarvoor met jou lewe. Dit kos tyd om mense te leer ken, verhoudings te bou te leer hoe jy en hulle saamwerk. Spanwerk kan nie in ‘n mikrogolfoond ontwikkel word nie. Spanne word sterk in ‘n prutpot-omgewing.

Persoonlike ontwikkeling

Jou span sal slegs sy potensiaal bereik as jy jou potensiaal bereik. Dit beteken dat vandag se vermoeë nie genoeg is nie. Ons kan dus nie word wat ons moet wees deur te bly wat ons is nie. Daardie strewe om steeds te strewe, steeds beter te word, is die sleutel tot jou vermoeë, maar dit is ook noodsaaklik vir die verbetering van jou span.

Onselfsugtigheid

“As jy jou beste vir die wêreld gee vergoed die wêreld jou daarvoor” Mense sorg van nature vir hulleself. Die vraag : “Wat beteken dit vir my?” is nooit ver van hulle gedagtes nie. As jy jou beste vir die span gee sal die span vir jou meer terugee as wat jy gee, en saam sal julle meer bereik as wat jy op jou eie kan bereik. Die belonings van spanwerk kan geweldig wees maar daar is altyd ‘n prys. Jy moet altyd prysgee om die prys te kry.

SPANWERKGEDAGTE

“Jy kry selde meer as waarvoor jy betaal het”

SPANWERK: DIE WET VAN AANSPREEKLIKHEID

‘n Goue gedagte: Spanmaats moet op mekaar kan staatmaak wanneer dit saakmaak”.

Die belangrikheid van die wet kom op sy duidelikste na vore wanneer daar baie op die spel is. Die kern van aanspreeklikheid is die vemoeë van spanmaats om saam te werk ter wille van dieselfde doelwitte. Dit gebeur egter nie vanself nie. Aanspreeklikheid is ook nie ‘n gegewe nie. Dit moet verdien word. Spanlede wat net op die maklike tye op mekaar kan staatmaak het nie aanspreeklikheid ontwikkel nie.

Aanspreeklikheid bestaan uit 5 eienskappe wat saamgevoeg, aanspreeklikheid is. As elke spanlid elk van die vyf eienskappe aangryp in homself en saam met ander, kan die span die aanspreeklikheid bereik wat nodig is om te slaag.

Karakter

Karakter maak vertroue moontlik. Vertroue maak leierskap moontlik. Vertroue is ook die fondament van alle wisselwerking tussen mense. As jy iemand nie kan vertrou nie, sal jy nie op hom staatmaak nie. Daar is geen plaasvervanger vir karakter nie. Jy kan verstand koop maar nie karakter nie.

Bekwaamheid

Karakter is moontlik die belangrikste eienskap maar dink hieroor. As jy moet gaan vir ‘n operasie as gevolg van ‘n siekte wat jou lewe bedreig, sou jy gelukkiger wees as jy ‘n goeie chirurg het wat ‘n slegte mens is of ‘n mens wat ‘n slegte chirurg is? Bekwaamheid tel en as die persoon in dieselfde span as jy is wil jy karakter en bekwaamheid hê.

Toeweiding

Spanne slaag of misluk alleen as gevolg van spanmaats se toewyding aan mekaar en aan die span. Mooiweerspanlede lei nie tot ‘n baie aangename spanervaring nie. Wanneer tye moeilik is, wil jy weet of jy op jou spanmaat kan staatmaak. Jy wil nie wonder of hulle by jou gaan staan nie. Ek onthou nog my diensplig dae toe ons ‘n blaar van ‘n boom moes gaan pluk het. Net omdat een spanmaat laaste terugekom het en ander hom vooruit gegaan het en gedink het dat dit hom sou vrywaar daarvan om weer te hardloop moes die hele span weer hardloop. Gou het ons agter gekom om die pas aan te pas en die wat sukkel om by te hou, saam te neem en te help. Spanwerk in aksie. Ware spanwerk verg die soort toewyding. As spanmaats dit nie kan regkry nie dra jy hulle die res van die pad ter wille van die span. Daar is egter perke en onthou die wet van die ketting.

Konsekwentheid

Dit beteken eenvoudig dat jou optrede te alle tye meetbaar is aan die standaard wat jy reeds gestel het. Elke span het sy konsekwente spelers op wie jy kan staatmaak wie sy spel of vaardighede op alle terreine ontwikkel tot so ‘n vlak dat jy altyd op hom kan staatmaak.

Samehorigheid

Spanmaats moet samehorigheid ontwikkel. Dit is die vermoe om bymekaar te staan, dit maak nie saak hoe moeilik die omstandighede word nie.

Daar is ‘n ou uitdrukking met betrekking tot spanne, ons trek of saam of uitmekaar. Sonder samehorigheid is mense nie werklik ‘n span nie want hulle trek nie saam nie. Hulle is bloot ‘n groep wat in dieselfde span deelneem.

‘n Amerikaanse Navy SEAL beskryf samehorigheid as volg:

Samehorigheid in ‘n span is een van daardie terme wat almal dink hulle verstaan. In werklikheid verstaan meeste mense dit gladnie. Dit beteken beslis nie dat almal van mekaar hou of gaaf is nie. Dit beteken jy het ‘n trots in die vermoeë van jou span om op hoër vlak te funksioneer as wat vir die individu moontlik is. Die span blink nie uit omdat jy ‘n lid is nie, jy blink uit omdat jy goed genoeg is om lid te wees.

“’n Goue spanwerk gedagte; Die grootste kompliment wat jy kan ontvang is dat daar op jou gereken kan word”.

SPANWERK : DIE WET VAN DIE VROT APPEL

“Swak gesindhede vernietig ‘n span!!!!!!!!!!!!!!!!!!!!!!!” Dit is die wet van die vrot appel.

Talent in ‘n span is nie genoeg om ‘n span suksesvol te maak nie. Jy kan ook nie sonder goeie hengelaars wen nie maar jy kan met hulle verloor.

Een persoon met ‘n swak gesindheid het die vermoeë om almal in ‘n span negatief te beinvloed. Die meerderheid mense soek normaalweg nie konflik nie en sal eerder van hulle sienswyse verander om vrede te bewaar en dit is hier waar die vrot appel vrot maak en die effek vermenigvuldig tot vernietiging.

Mense word normaalweg ook baie makliker negatief as positief en dit is waarom die wet van die vrot appel belangrik is om te ken.

“’n Goue gedagte: Goeie gesindhede onder spanlede waarborg nie ‘n span se sukses nie, maar verkeerde gesindhede waarborg sy mislukking”.

Wat is gesindheid? Kyk na die volgende;

Dit is die voorhoede van ons ware self.
Sy wortels is na binne maar sy vrug is na buite.
Dit is ons beste vriend of ons grootste vyand.
Dit is eerlik en meer konsekwent as ons woorde.
Dit is ‘n kyk na buite wat op ervarings van die verlede gebaseer is.
Dit is iets wat mense na ons aantrek of hulle afstoot.
Dit is nooit tevrede voordat dit uitgespreek is nie.
Dit is die bibliotekaris van ons verlede.
Dit is die spreker van ons hede.
Dit is die profeet van ons toekoms.

Daar is vyf waarhede omtrent gesindhede wat ‘n span kan raak naamlik;

Gesindheid het die mag om ‘n span op te hef of af te breek

Die voordeel van die wenner lê nie in aangebore gawes, ‘n hoe IK, of in talent nie. Die wenner se voordeel is gesindheid en nie aanleg nie. Te veel mense verset hulle teen daardie gedagte. Ek wil graag ‘n praktiese voorbeeld noem wat ek persoonlik gesien gebeur het.

Vroeer Gauteng provinsie gerelegeer na die A afdeling kampioenskappe. Hulle het onmiddelik die gesindheid gehad dat die SA’s vir hulle net soos ‘n liga gaan wees wat hulle gou gaan wen en terug promoveer na die Premier afdeling. Hierdie gesindheid het hulle openlik openbaar. (Kyk maar na die bullets hierbo en herken die onderdele van gesindheid wat hier uitkom) Hierdie aspek het die Limpopo span so gegrief dat hulle doelwit was om hulle ‘n les te leer. Die aspek alleen het die Limpopospan so bymekaar getrek dat almal hulle beste gelewer het en die somtotaal daarvan was ‘n silwer medalje vir die span. Ons het die goud met drie punte verloor, en ek sê verloor want ons het kritieke foute gamaak wat ons die punte gekos het. Stukkende nette en een mombakkies was deel van die foute.

Erger nog is dat dit Gauteng drie jaar geneem het om uiteindelik te wen en op te skuif na die Premier afdeling. Wat ‘n openbaring was dit nie van gesindheid in werking nie en dit illustreer baie duidelik die wet van die vrot appel. Die hoof vrot appel in die span was die spanbestuurder wat die gesindheid aangevuur het. Wanneer gesindhede verswak, verswak die potensiaal van die span. Wanneer gesindhede verbeter, verbeter die potensiaal van die span! In hulle guns wil ek ook noem dat ek opgemerk het hoe die verwaandheid oorgeskakel het na vasberedenheid en uitstekende leierskap in die span wat uiteindelik die knoop deurgehaak het. Die gesindhede van die span het met ander woorde aangepas by die doelwitte van die span.

Gesindheid vermenigvuldig wanneer dit aan ander blootgestel word.

Gesindheid is uitters aansteeklik, en selfs nog erger as griep. Mense neem ook die gesindheid aan van diegene met wie hy assosieer en tyd deurbring.

Baie dinge in ‘n span is daarenteen nie aansteeklik nie soos talent, ervanring, en gewilligheid om te oefen nie.

Wanneer ‘n leier en spanmaats veral ten spyte van ontmoedigende omstandighede positief en entoesiasties bly, bewonder ander daardie eienskap en wil hulle soos hy wees. As ‘n spanlid ‘n sterk werksetiek openbaar en ‘n positiewe invloed begin uitoefen, sal ander hom begin na-aap.

Swak gesindhede vermenigvuldig vinniger as goeies.

“’n Goue gedagte: Daar is net een ding wat meer aansteeklik is as ‘n goeie gesindheid en dit is ‘n swak gesindheid”. Dit is werklik vinniger as ‘n griep virus!

Somige mense dink dat dit baie deftig is om negatief te wees. Dit laat hulle dink hulle is slim of belangrik. Die waarheid is egter dat so ‘n negatiewe houding eerder die houer daarvan seermaak as help. Dit maak ook ander persone om hom seer.

Gisindhede is subjektief, dus kan dit moeilik wees om ‘n verkeerde een te identifiseer

Mense projekteer altyd na buite hoe hulle van binne voel. Gesindheid is in werklikheid omtrent hoe ‘n persoon is. Dit spoel oor in hoe hy optree. Wat die hart van vol is loop die mond van oor.

Hier volg ‘n paar swak gesindhede wat ‘n span kan vernietig sodat ons dit kan herken in onsself of in ander.

‘n Onvermoeë om verkeerde optrede te erken
Weiering om te vergewe
Kleinlike jaloesie
Die siekte van die eie ek
‘n Krietiese gees
‘n Begeerte om al die krediet vir homself te neem

“’n Goue gedagte: ‘n Slegte houding stam uit selfsugtigheid”.

Swak gesindhede wat aan hulleself oorgelaat word vernietig alles

Verkeerde gesindhede moet aangespreek word. Jy kan verseker weet dat dit altyd onmin, gegriefdheid, strydlustigheid, en verdeeldheid in ‘n span sal veroorsaak. Dit sal nie vanself weggaan as dit nie aangespreek word nie. Dit sal eenvoudig sweer en ‘n span vernietig saam met die kanse om sy potensiaal te bereik.

President Thomas Jefferson het eens gesê dat “niks kan ‘n man met die regte gesindheid keer om sy doelwit te bereik nie: niks op aarde kan die man met die verkeerde gesindheid help nie.

“’n Goue gedagte: Jou gesindheid bepaal die span se gesindheid”. Kom ons onthou die kerngedagte op pad na bo.

Die plek om te begin bou aan gesindheid is in jouself en nerens anders nie, veral nie by mede spanlede nie.

SPANWERK: DIE WET VAN DIE KOMPAS

Visie gee die spanlede rigting en selfvertroue !

Was jy al ooit ‘n lid van ‘n span wat skynbaar nooit vooruitgang maak nie?

Elke span het ‘n motiverende visie nodig om dit rigting te gee. ‘n Span sonder visie is op sy ergste doeloos! Ten beste is dit onderworpe aan die persoonlike (en soms selfsugtige) agendas van sy onderskeie spanmaats. Namate die agendas mekaar teenwerk, word die span se enigste dryfkrag gedreineer. Aan die ander kant word ‘n span wat visie aangryp, gefokus, aangewakker en vol vertroue. Die span weet waarheen dit gaan en hoekom dit daarheen gaan. Ek soek so ‘n span.

Weereens is die wet baie meer van toepassing op die leierskap van ‘n span maar onderling is dit die verantwoordelikheid van elke spanlid om te waak teen die gevare van visieloosheid.

‘n Span se visie moet in ooreenstemming wees met;

‘n Morele kompas (Kyk na bo)

‘n Suksesvolle span word selde indien ooit anders as volgens die strengste integriteitsandaarde opgebou. Daar is slegs een ware noord en as jou kompas in enige ander rigting wys as ware noord dan is jou span op pad in ‘n verkeerde rigting. ‘n Morele kompas bied integriteit aan die visie. Dit help spanlede om hul motiewe na te gaan en seker te maak dat hulle vir die regte redes swoeg. Dit bring verder geloofwaardigheid vir die leiers wat die visie daarstel – maar slegs as hulle die waardes wat die span veronderstel is om aan te gryp, uitleef. As hulle dit doen, vuur hulle die visie aan en hou dit aan die gang.

‘n Intuitiewe kompas ( Kyk na binne)

Waar integriteit die brandstof vir visie verskaf, bied hartstog die vuur. En die ware vuur van passie en oortuiging kom slegs van binne.

Visie moet diep in die spanleier se hart weerklink. Dan moet dit diep in die harte van spanlede wat gevra sal word om hard te werk om dit te verwesenlik, weerklink.

Dit bring die soort hitte wat diegene wat toegewy is aanvuur – en die wat nie toegewy is nie braai.

Braai jy of gaan jy gebraai word?

‘n Historiese kompas (kyk agtertoe)

“ Mense sal nie na die toekoms reik voordat hulle nie die verlede aangeraak het nie”. Moenie die heining verwyder voordat jy weet hoe dit daaragter is nie, Jy weet nooit of daar ‘n Bloubul daaragter is nie. ‘n Motiverende visie behoort op die verlede te bou, en dit nie te minag nie. Dit behoort positiewe gebruik te maak van enigiets wat deur die vorige spanne in die organisasie bygedra is. Gee erkenning aan hulle en skep ‘n verwagting dat erkenning gegee sal word aan die wat help aan die toekoms bou.




‘n Rigtingewende kompas (Kyk vorentoe)

“Wanneer ‘n mens vol vertroue in die rigting van sy drome beweeg, en probeer om die lewe wat hy hom voorgestel het te leef, sal hy sukses behaal bo die verwagting van die gewone ure”

Visie gee rigting aan die span. ‘n Deel van daardie rigting kom van ‘n gevoel van doelgerigtheid. ‘n Ander deel spruit voort uit doelwitte wat teikens aan die visie voorsien. ‘n Doelwit motiveer die span.

‘n Strategiese kompas (Kyk rond)

Enige doelwit sal nie bereik word indien iets nie gedoen word om dit te bereik nie. Dit is gewoonlik op die vlak waar strategiese beplanning faal. Visie sonder strategie is nie veel meer as ‘n dagdroom nie. Om teen die trappe op te kyk is nie genoeg nie, ons moet daarteen opklim.

Die waarde van ‘n strategie is dat dit ‘n werkswyse na die visie bring. Dit identifiseer middele en mobiliseer die lede van die span. Mense het meer nodig as inligting en motivering. Hulle moet opleiding kry oor wat om te doen om die visie ‘n werklikheid te laat word en hoe om daar te kom. ‘n Strategie bewys dit.

‘n Visionere kompas (kyk verby)

“Jy moet langafstand-visie hê om te keer dat jy deur kortafstand-mislukkings gefrustreer word”.

Die visie van die span moet verby huidige omstandighede en enige vanselfsprekende tekortkominge van huidige spanmaats kyk om die potensiaal van die span te sien. Visie wat werklik groot is , spreek tot dit wat spanlede kan word indien hulle waarlik hulle waardes uitleef en volgens hulle hoogste standaarde werk, aan.

My uitdaging aan jou is om in die bestek van die maande voor die kampioenskappe alles in jou vermoeë te doen om jou potensiaal te bereik. Wees vasberade, ondersoekend, doelgerig, en nederig.

Iemand het gesê dat slegs mense wat die onsigbare kan sien die onmoontlike kan doen.

SPANWERKGEDAGTE

As jy dit sien, kan jy dit aangryp!

SPANWERK : DIE WET VAN DIE KATALISATOR

Wenspanne het spelers wat dinge laat gebeur.

Spanne word nie vanself beter nie. As hulle aan hulleself oorgelaat word groei hulle nie en verbeter hulle nie, en bereik hulle nie kampioenskapskaliber nie.

Die weg na die volgende vlak is altyd opdraende, en as ‘n span nie doelbewus boontoe beweeg nie gly dit noodwendig af. Die span verloor sy fokus, verloor ritme en momentum, die energie neem af en die eenheid word verbreek. Dit is waarom ‘n span altyd ‘n katalisator nodig het.

‘’n Goue gedagte: Katalisators is mense wat meer doen as net dinge gedoen kry”.

Ek is van mening dat ons span oor verskeie katalisators beskik wat ons tot voordeel strek.

Katalisators het verskeie eienskappe wat die volgende insluit:

Intuitief
Spraaksaam
Hartstogtelik
Talent
Kreatief
Inisiering
Verantwoordelik
Ruimhartig
Invloedryk.

As jy al, of ‘n groot gedeelte van die eienskappe in jouself kan identifiseer is jy ‘n katalisator in die span. Daarsonder, is jy steeds ‘n baie gewaardeerde topspanlid wat almal graag in sy span sal wil he. Al die eienskappe kan egter aangeleer word en ‘n persoon kan dus ook ‘n katalisator word.

HOE OM ‘N NOG BETER SPANLID TE WORD.

Hoe is jy wanneer jou span ‘n krisis tyd ervaar? Wil jy die bal hê, of sou jy liewer wou hê dat iemand anders die bal moet vat? As daar meer katalisators in die span is, dan sou jy nie in ‘n noodgeval die speler wat dinge aanpak wou wees nie.

Begin jouself verbeter deur die volgende dinge te doen:

Vind ‘n mentor. Spelers word slegs katalisators met die hulp van mense wat beter is as hulleself. Vind iemand wat dinge laat gebeur om jou op jou pad te help.
Begin ‘n groeiplan. Sluit aan by ‘n program wat jou sal help om jou vaardighede en talente te ontwikkel. Jy kan nie die span tot ‘n hoër vlak neem as jy nie self daar gekom het nie.
Beweeg uit jou gemaksone. Jy sal nie weet waartoe jy in staat is voordat jy probeer het om meer te doen as wat jy voorheen reggekry het nie.

As jy die die dinge doen sal jy dalk nog nie ‘n katalisator word nie maar jy sal ten minste die beste word wat jy kan wees, naamlik ‘n gewaardeerde spanlid – en dit is wat van jou verwag word.

SPANWERK : DIE WET VAN DIE KETTING

Die span is so goed soos sy swakste skakel.

Seker een van die mees bekendste stellings en ook een van die waarste gesegdes.

Weereens lê die bestek van die wet hoofsaaklik by die bestuur van die span en die keurders wie aanvanklik die spanne saamstel. Kortom sal ‘n verkeerde keuse aanvanklik nie noodwendig regestel kan word tydens die jaar nie tensy ‘n swak skakel ontwikkel kan word om tot ‘n hoër vlak te beweeg. Die wil moet ook bestaan om te ontwikkel en dit is hier waar gesindhede baie mense in die voet skiet.

Swak skakels kan egter ook wees skakels met ‘n swak gesindheid. “n gesindheid kan slegs verander word deur die persoon aan wie dit behoort. Sulke spanspelers het al goeie spanpogings in die verlede gesink en ons moet waak daarteen dat dit nooit weer gebeur nie.

Dit is dus spanbesture so plig om swak skakels te kan identifiseer en dat probleme hieromtrent die hoof gebied word. Swak skakels kan egter ook enige tyd in enige span opduik bloot weens sekere omstandighede wat dit na vore bring. Jou spanlid wat moontlik nie die vermoeë het om ‘n wagler akuraat te gooi nie, of wie nie die regte gerei het nie gaan jou swak skakel wees. Hy hoef dus nie noodwendig gesien te word as ‘n slegte persoon of minder aanvaarbare persoon vir die span nie. Ons moet onthou dat Match Angling is ‘n totaal ander konsep as waaraan ons tans gewoond is en dit is baie tegnies van aard. Dit verg van elkeen van ons wat dit doen om aanpassings te maak en ander kry dit vinniger reg as party.

Om ‘n swak skakel in ‘n span te versterk kan jy net twee dinge doen naamlik:

Lei hom op; of
Ruil hom uit.

DIE EFFEK VAN ‘N SWAK SKAKEL

Dit is vir ons almal nodig om kennis te neem van die effek sodat ons ook kan erken as ons dalk ‘n swak skakel is of word. Spanlede wat nie hulle kant bring nie vertraag die span en het ‘n uitwerking op jou leierskap. Verskeie dinge kan gebeur as ‘n swak skakel in ‘n span bly. Miskien is die idee om die reserwe die laaste dag te laat hengel in die plek van jou swakste presteerder hier van toepassing. Dit kan veral belangrik wees indien ‘n lid werklik die span se prestasie in gedrang bring en jou reserwe ‘n beter resultaat kan verseker. Sou dit met jou gebeur moet jy as spanspeler groot genoeg wees om ter wille van span prestasie die feite in die oë te staar. Daar moet ook gewaak word dat so ‘n ruiling nie juis die span meer in die voet kan skiet nie. Daarom moet die reserwe te alle tye as deel van die span opgelei word en deurgaans geevalueer word om hom ook toe te rus om ten volle gereed te wees om so ‘n plek vol te staan.

1. Die sterker lede identifiseer die swakkere

Geen swak skakel kan wegkruip nie en jou sterk mense in die span weet altyd wie nie die vlak van al die ander bereik het nie. Die prestasies van die res van die span sal ook die swak skakel identifiseer.




2. Die sterker lede moet die swakkere help

As ons as span moet saamwerk het ons twee keuses naamlik om die swak skakel of skakels te ignoreer en in die span laat bly en daaronder ly, of hulle kan hulle help en die span meer suksesvol maak. As ons spanspelers is sal ons help.

3. Die sterker spelers sal die swakeres begin kwalik neem

Of sterk spanlede help of nie, die gevolge sal altyd dieselfde wees: gegriefdheid. Niemand hou daarvan om konsekwent as gevolg van dieselfde persoon te verloor of agter te bly nie. Die effek van die probleem vermenigvuldig dus indien dit nie opgelos word nie.

4. Die sterker lede word minder doeltreffend

Om iemand anders se las benewens jou eie te dra kompromiteer jou prestasie. Indien jy dit oor ‘n lang tydperk doen, dan ly die hele span daaronder.

5. Die sterker lede bevraagteken die leier se vermoeë

In kort verloor jy die respek van die bestes as jy nie die swakstes behoorlik hanteer nie.

Wanneer ‘n leier toelaat dat ‘n swak skakel deel bly van die span begin die spanlede wat gedwing word om vir die swak een te kompenseer, die leier se vermoeë en onderskeidingsvermoeë in twyfel te trek. Leiers wie nie verantwoordelikheid neem nie dien nie die span nie. In my eerste jaar met die Junior Proteaspan in Portugal het hierdie wet tot sy reg gekom. Daar was twee moeilikheid makkers wat eenvoudig daar was meer vir die jol as om alles te gee. Die effek was dat die een veral min samewerking gegee het en die resultaat dat hy baie swak tydens die amptelike oefening dae gedoen het. Hierdie seun was SA se victor ludorm op die mini proewe. Ons het geen keuse gehad as om hom met die reserwe te ruil vir die eerste dag nie. Die span het na dag een 18 de uit 22 lande ge-eindig. Ingevolge ‘n bestuurs besluit het ons hom toe die laaste dag laat hengel en die resultaat was ‘n blank en die span skuif af na 21 st posisie. Ten spyte van die feit dat ek die meeste van die dag saam met hom gesit het en instruksies gegee het kon hy eenvoudig nie rekom nie. Dit het later aan die lig gekom dat hy geen stroppe opgemaak het soos die ander hengelaars nie, en het dus nie volgens die wedstryd plan gehengel nie. ‘n Voorbeeld van ‘n swak skakel in aksie.

HOE OM DIE KETTING STERKER TE MAAK

Swak spanlede neem gewoonlik tyd van sterker lede in beslag omdat hulle altyd moet tyd afstaan om die swakeres te help. Hoe groter die onderskeid tussen goed en swak hoe groter word die nadeel vir die span.

As mense op ‘n skaal van 1 – 10 beoordeel word (Met 10 as die beste) maak 5 onder 10’s werklik die span seer, terwyl 8 onder 10’s dit dikwels nie doen nie.Wanneer mense in ‘n span saamgevoeg word, word hulle talente ook saamgevoeg wat op ‘n manier ooreenstem met somme. Visueel lyk ‘n 5 tussen 10’e soos volg:

10+10+10+10+5= 45

Die verskil tussen die span en grotes met 5 tiens is 10% As ‘n span dus eers chemie, sinergie en momentum begin ontwikkel, stem dit met vermenigvuldiging ooreen. Dit is die verskil tussen:

10 X 10 X 10 X 10 X 10 = 100,000

en dit:

10 x 10 x 10 x 10 x 5 = 50,000

Dit is ‘n verskil van 50% . Die krag en momentum van ‘n span kan dalk vir ‘n ruk lank kompenseer vir ‘n swak skakel maar nie vir altyd nie. ‘n swak skakel beroof eintlik die span van momentum en potensiaal.

Weet ook dit: Wat wisselwerking tussen mense betref, beheer die swakker persoon gewoonlik die verhouding. Veral wanneer die persoon ‘n gesindheids probleem het.

HOE OM ‘N BETER SPANLID TE WORD

Die meeste mense se natuurlike neiging is om hulle self teenoor hulle beste eienskappe te meet terwyl hulle ander aan hulle swakste eienskappe meet. Hulle WYS hulle vinger na areas waar hulle spanmaats nog moet groei. Die waarheid is egter dat elke persoon verantwoordelik is vir sy eie groei. As elke spanlid hierdie verantwoordelikheid aangryp en glo dat hy nog moet groei, kan hy groei en die span sal sy potensiaal bereik !!

Kyk goed na jouself. Gebruik die norme uit die voorgaande en stel vas waar jy die span moontlik kan kortwiek. Indien jy leemtes identifiseer doen iets omtrent dit om te verbeter. Eerlikheid teeroor jouself is ‘n baie goeie en nuttige eienskap.

SPANWERK DIE WET VAN MOUNT EVEREST

Namate die uitdaging toeneem verhoog die behoefte aan spanwerk.

Op 29 Mei 1953 het Sir Edmond Hillary op die kruin van Mount Everest gestaan, alleen?, NEE Tenzing Norgay was saam met hom daar en langs die berg af was daar tientalle ander lede van sy span om logistieke steun te verskaf om die poging susksesvol te kon maak. Tussen twee en driehonderd mense is gehuur om twee en ‘n half ton kos en toerusting 180 myl deur onherbewrgsame wildernis na ‘n basiskamp te dra. Vanaf die basiskamp moes 40 draers en ‘n Sjerpa voorade na die volgende vlak dra. Die beste derde van daardie span ervare draers en bergklimmers sou voortgaan om hoër teen die berg op te klim. Hulle het die 750 pond toerusting wat nodig was in 30 pond vragte gedra. Slegs Tenzing en drie ander draers sou die krag en vaardigheid hê om die hoë kampe naby die top te bereik.

Elke vlak wat die klimmers bereik het het ‘n hoër vlak van spanwerk vereis. Een groep mans het hulleself uitgeput om die toerusting vir die volgende groep berg op te dra. Twee manne sou hulle weg teen die berg uitbaan, ‘n weg vind, trappies sny, toue vasmaak. Hulle sou dan klaar wees nadat hulle die weg vir die ander span moontlik gemaak het. Stelselmatig was die spanne uitgedun tot net twee die piek bereik het en gedoen het wat niemand nog ooit vermag het nie.

Voor Edmond Hillary en Norgay het sowat honderd klimmers reeds op die berg gesterf omdat hulle nie die uitdaging reg hanteer het nie. Tenzing Norgay het ontwikkel as die beste en mees gerespekteerde gids ter wêreld en het na die eerste ervaring reeds verskeie ander klimmers tot op die top van die berg gelei met sukses.

WAT IS ONS EVEREST?

Wêreldkampioenskappe 2005? Droom jy van ‘n goue medalje? Onthou jy het ‘n span nodig om dit te bereik. Dit is absoluut goed en reg om ‘n droom te hê. Party mense konsertreer egter te veel op die droom en te min op die span. Elke droom bring sy eie uitdagings mee.

HOE OM ‘N BETER SPANLID TE WORD

Wat is jou spontane eerste reaksie wanneer ‘n uitdaging moeliker word. Ontrek jy jouself om te gaan dink? Probeer jy die probleem alleen oplos? Bly jy weg van ander mense ten einde die druk te vermy? Of steun jy op jou spanmaats en laat jy hulle toe om op jou te steun. As jy dit nog nie doen nie , leer jouself om jou spanmaats om jou te skaar. Jy kan nie ‘n groot uitdaging alleen wen nie. Soos Tenzing self gese het “Op ‘n hoë berg los jy nie jou makkers en gaan alleen tot op die kruin nie”.

SPANWERK: DIE WET VAN DIE NIS

Alle spelers het ‘n plek waar hulle die meeste waarde toevoeg. Dit is basies die definisie van ‘n nis.

Hierdie wet het meer betrekking op die spanleier maar spanlede moet wel ook kennis neem om te kan verstaan hoekom sekere besluite soms in spanverband geneem word, of hoekom penmaats soms saamgegroepeer word. Ek het al voorheen klem daarop gelê dat jy kan dinge doen wat jou spanmaat nie kan doen nie en andersom. Die doel van die wet is dus om leemtes wat ontstaan dus ten beste van die span aan te vul. Enige span het leiers en volgers en albei word na dieselfde waarde geskat om die potensiaal van die span te kan bereik. ‘n Span met net volgers is onnatuurlik en sal nêrens kom nie.

Om twee persone wat weens persoonlikheids redes nie met mekaar oor die weg kan kom nie op ‘n pen te groepeer sal fataal wees. As die keuses afgedwing word gebeur gewoonlik die volgende;
Die span se moreel word ge-erodeer omdat die span se vermoee nie benut word nie
Ander spanlede wat weet dat hulle beter sou kon doen in ‘n posisie raak gegrief
Onwilligheid om in ‘n span te werk en saam te werk kom na vore
Almal in die span se vertroue word ge-erodeer en die toestand vergerger voortdurend
Die span maak nie meer vooruitgang nie
Die kompetisie buit die swakhede uit
Die span bereik nooit sy potensiaal nie.
Gaan huistoe sonder medalje!!!!!!

Waneer mense nie is waar hulle dinge goed doen nie, werk dinge ook nie goed uit nie. Dit is die wet van die NIS.

Die verkeerde persoon + Verkeerde plek = Agteruitgang
Die verkeerde persoon + Regte plek = Frustrasie
Die regte persoon + Verkeerde plek = Verwaring
Die regte persoon + Regte plek = Vooruitgang
Die regte mense + Regte plekke = Vermenigvuldiging

Vir spanleiers om hierdie aspekte reg te kan hanteer moet hy sy spelers ken en hulle daarvolgens reg aanwend om die potensiaal van die span te bereik. Hy moet ook die situasie ken want al bly die visie of doel van die span dieslefde verander die situasie voortdurend.

Dit is reeds jare lank so dat die resewe van ‘n span tydens die kampioenskappe op die tweede dag ingespan word in die plek van die hengelaar wat die swakste gevaar het. Dit klink alles goed en edel. Maar wat gaan ons doen as die hele span baie goed presteer en al jou hengelaar is goed geplaas, gaan ons dan nog die kans waag om iemand wat relatief goed doen te vervang met iemand wat jy nie weet of hy in die situasie sou waarde byvoeg nie? Of se nou maar jou reserwe doen die beste tydens die oefendae, gaan jy hom nie eerder in jou span plaas as aanvangs hengelaar nie? Dit sal kontorversieel wees en miskien teen die reels van span samestelling maar dit sal binne die reels van gesonde spanwerk wees om die regte skuif te maak.

SPANWERK: DIE WET VAN DIE GEHEELBEELD

“Goue gedagte: Die doelwit is belankriker as die rol.”

In ‘n kultuur wat die lof van individuele goue medaljes besing en waar elkeen vir regte stry eerder as om op eie verantwoordelikheid te konsentreer, is mense geneig om die geheelbeeld uit die oog te verloor. Trouens, soms lyk dit of sommige mense dink hulle iś die hele prentjie: alles draai om hulle behoeftes, hulle doelwitte en hulle begeertes. Is jou idees miskien die volgende? “my idee van ‘n span is ‘n klomp mense wat doen wat ek se hulle moet doen ???????

Om in sport te wen moet lede van die span altyd die geheelbeeld voor oë hou. Hulle moet onthou dat die doelwit belankriker is as hulle rol, of enige individuele roem wat hulle dalk begeer. Om individueel te wen bou enige persoon se ego maar om as span te kan wen tel meer en beteken meer. Sou jy self die swakste in jou span gevaar het maar die span wen steeds die medalje sal jy self goed voel daaroor en sal jy daarmee kan vereenselwig en sal dit vir jou groot betekenis hê want sonder jou bydrae, hoe gering dit ookal mag voorkom, sou die span dit nie behaal het nie! Onthou ook dat jy ook beskou sal word as ‘n kampioen !

“Goue gedagte: As jy jouself as volmaak beskou, sal jy blind wees vir ware volmaakheid”

DIE SPAN IS ALLES

Vir ‘n span om sy potensiaal te bereik, moet elke speler bereid wees om sy persoonlike doelwitte aan die doelwitte van die span ondergeskik te stel. Spanne wat ‘n, elkeen vir homself gesindheid, koester het nog nooit werklik tot hulle reg gekom nie. Veral in ons geliefde sport kan die aspek maklik na vore kom en het dit al. Elke hengelaar is eintlik ‘n speler wat sy persoonlike beste moet gee om die span te laat presteer maar die geheim lê daarin dat deel van jou poging om jou beste potensiaal te bereik moet wees om jou spanmaat saam te neem. As ons dit kan regkry sal goud binne bereik wees.

HOE OM DIE HEGEELBEELD RAAK TE SIEN.

Om die geheelbeeld raak te sien moet jy nie vergeet om te onthou dat elke persoon in die span ‘n rol het om te speel nie, en elke rol doen sy deel om tot die geheelbeeld by te dra. Sonder daardie perspektief kan die span nie sy doelwit bereik nie.

Winston Churchill het op ‘n dag ‘n skare van tienduisend mynwerkers toegespreek om aan hulle te vertel hoe belangrik hulle was in die oorlogspoging. Hoe hulle rol die doelwit om Britanje se vryheid te behou kon maak of breek.

Hy het die prentjie geskilder deur te sê dat eerste sou die matrose kom dan sou die briljante vlieniers kom wat die Duiste Luftwaffe afgeweer het, dan die soldate wat by Dunkirk geveg het en laaste sou die mynwerkers in hulle helms en swart gesigte van steenkoolstof kom. Hy het aangedui dat iemand miskien sou vra “maar waar was julle gedurende die kritieke tye van die stryd?” en die tienduisend stemme sou antwoord “ons was diep onder die grond met ons gesigte teen die steenkool !” Daar word gese dat daardie geharde manne met trane in hulle oe vasberade na hulle roemlose werk terug gekeer het. Hulle was ‘n integrale deel van die geheelbeeld.

“Goue gedagte: Nie almal in ‘n kampioenskapspan kry publisiteit nie maar almal noem hom ‘n kampioen.”

Dit kos moed en vasberadenheid om te besef dat die doelwit belankriker is as die rol. Om te doen wat beste is vir die span is nie ‘n kleinigheidjie nie. Dit beteken dikwels die opoffering van persoonlike bevrediging, individuele statistiek, of persoonlike roem. Dit is wat dit verg, niks minder nie.

WAT GAAN AAN MET GEHEELBEELDSPANNE?

Hoe verander individue van onafhanklike mense na spanspelers wat ‘n voorbeeld is van die wet van die geheelbeeld? Dit neem tyd en die volgende;

1. Kyk op na die geheelbeeld

Alles begin met ‘n visie. Jy moet ‘n doelwit he. Sonder ‘n doelwit kan ons nie ‘n regte span he nie.

“Goue gedagte: As jy nie weet waarheen jy op pad is nie gaan jy op ‘n ander plek beland!”

As almal in die span die visie om die geheelbeeld te bereik aangryp het die mense die potensiaal om ‘n doeltreffende span te word.

2. Som die situasie op.

Een van die waardes van die geheelbeeld is dat dit jou help besef hoe ver jy werklik nog moet gaan om dit te kan bereik. In effek beteken dit dat jy slegs die hengelaars in jou sone moet klop om jou doelwit te kan bereik. Dit sal dan die span help om sy doelwit te bereik.

Bly dus voortdurend op hoogte van jou eie posisie en as daar ruimte is vir verbetering moet nie skroom om iets daaromtrent te doen nie. Nie môre nie maar onmiddelik en ruim dit uit die weg. Evalueer deurgaans jou se posisie in die sone deur dop te hou wat gebeur rondom jou. Daardeur sal jy weet wat jy nog moet insit om jou doelwit te bereik.

3. Maak ‘n lys van middele wat benodig word.

Hier kom fisiese voorbereiding in. Ek het al as bestuurder van ‘n span opgetree dat ‘n hengelaar 12 uur die middag vir my vra of ek nie dalk ekstra voer saamgebring het nie want sy voer is op. Dit nadat ons reeds twee oefendae gehengel het. ‘n Ander een het weer net sy 10 voet stokke dam toe gebring en toe die wind opkom kon hy nie weer sy kol bereik nie en het die laaste 3 uur geen vis gevang nie. Sy 13 voet stokke het hy by die kamp gelos want hy het gedink dat die wind nie sou waai nie. Dit was nogal in Noordeindemeer waar die wind feitlik altyd ‘n faktor is. Vergeet jou disgorger by die huis en sien hoe gaan jy sukkel om hoeke uit te kry en hoeveel tyd jy daardeur gaan verloor!

Maak ‘n lys van wat jy benodig want as jy nie reg voorberei is nie kan jy nie jou doelwit bereik nie. In Portugal het die reserwe wie die tweede dag moes hengel eers agter gekom na die sein dat hy nie sy skepnet se steel gebring het nie. Daarsonder sou hy nie ‘n vis kon land nie. Gelukkig was die Marshal nie te sleg nie en het hy toegelaat dat ‘n ander hengelaar vir hom een leen om verder te kon gaan. Dit kon fataal gewees het.

4. Roep die regte spelers op.

Jy kan met goeie spelers verloor maar jy kan nie met swak spelers wen nie. Ek glo die beste span is op die dag gekies en my persoonlike mening is dat die span die potensiaal het om alle vorige spanne se prestasies te oortref en wel om dit goed te doen, dit is as julle die lus en guts het om dit te wil doen. En glo my dit gaan nie aangestap kom nie ons sal dit met ‘n wereldklas poging moet wen. Dit is waaraan ons moet aandag gee. My evaluering na die wedstryd by die forelplaas is dat ek glo nou nog meer dat ons wel die potensiaal het maar dat is nog baie werk is om te doen.

5. Laat vaar persoonlike agendas

Spanne wat wen het spelers wat hulle voortdurend afvra: ‘Wat is die beste vir die span?’ Ray Kroc die stigter van die restaurant groep McDonalds het gese “Nie een van ons is belangriker as die res van ons nie” Kyk waar is McDonalds vandag.

6. Klim na die volgende vlak

‘n Span kan slegs na ‘n hoër vlak beweeg wanneer spelers bymekaar kom en hulle eie agendas prysgee. Baie mense kies egter om aan hulle eie agendas vas te kleef en die weë van hulle eie opgeblase ego’s te volg eerder as om dit te laat los om iets te bereik wat groter is as hulleself.

Hierdie is maar ‘n kwessie van gesindheid. Om te groei moet verandering plaasvind. Besluit om te groei en beweeg na die volgende vlak. Daar is nie ‘n ander keuse nie anders mors jy jou geld en tyd.

‘N GEDEELDE DOELWIT

Ons span se gedeelde doelwit is om die gouemedalje as span te verower. Word deel van iets wat groter is as jyself want jyself kan dit nie vermag nie maar jy en jou ander spanmaats kan. Die doelwit is belangriker as die rol. Dit is die wet van die geheelbeeld.


‘N SPANWERK GEDAGTE

Wanneer jy die geheelbeeld duidelik sien dien jy gouer die span.

Hoe kan jy ‘n beter spanlid word: Watter doelwit in jou lewe is groter as jyself? Neem jy tans deel aan iets wat groter is as jyself? Wat is jy bereid om te doen om dit te bereik? Is jy bereid om, indien nodig, ter wille van die span ‘n ondergeskikte rol te vertolk? Indien nie kan jy dalk die suksesse van die span kortwiek.

SPANWERK : DIE WET VAN DIE BETEKENIS

Die “Lone Ranger” was ‘n mite want, Tonto was altyd daar om hom te ondersteun, hulle was dus ‘n span, punt. Niks van betekenis was nog ooit deur iemand wat alleen opgetree het bereik nie. Agter elke suksesvolle hengelaar staan daar gewoonlik ook ‘n vrou of hengel weduwee.

Selfs Albert Einstein wat die wereld met sy relatiewiteits teorie hervorm het, het nie alleen gewerk nie en hy het self gese dat “Ek besef elke dag herhaaldelik hoe baie my uiterlike en innerlike lewe op die inspanning van my medemens, lewend sowel as oorlede gebou is, en hoe toegewyd ek moet werk om soveel terug te gee as wat ek ontvang het”.

‘n Sjinese uitdrukking lui ook dat “agter elke bekwame man is daar altyd ander bekwame manne”. Daarom is die waarheid dat spanwerk die kern vorm van groot prestasie. Individue speel die spel maar spanne wen die kampioenskappe.

Daar is vier dinge wat sommige mense steeds take alleen wil laat doen. Hierdie dinge behoort as jou vyande beskou en behandel te word.

1. EGO

Spanwerk begin eers wanneer ‘n mens konsentreer op “ons” in plek van “ek”. Die vraag is dus nie of jy alles self kan doen nie; dis hoe gou jy gaan besef dat jy nie kan nie. Jy kan nie vir jou span ‘n ander sone wen as die een waarin jy hengel nie!!!!

2. ONSEKERHEID

Voormalige VSA President Woodrow Wilson het eens gesê dat “ons behoort nie net ons volle verstand te gebruik nie, maar boonop alles wat ons kan leen”. Leiers wat onseker is wil gewoonlik of beheer hou oor alles waarvoor hulle verantwoordelik is , of hulle word bang dat iemand wat meer bekwaam is, hulle gaan vervang. Daardeur erodeer hulle nie net hulle eie potensiaal nie maar ook die pogings van die mense met wie hulle werk.

3. NAïWITEIT

‘n Sekere persoon genaamd John Ghegan het ‘n bordjie op sy lesenaar wat sê; “As ek dit alles weer van vooraf moes doen sal ek hulp kry”. Dit som op dat sulke persone nie spanbouers is nie maar afbrekers. Hulle kom gewoonlik te laat agter dat hulle nie hulle doelwitte alleen kan bereik nie. Somiges is in staat om uit hierdie kassie te klim en te herstel maar ander faal gewoonlik heeltemal.

4. TEMPERAMENT

Daar is al gevind dat mense meer bereik deur met ander saam te werk as om teen hulle te werk. Hoekom sal jy die reis alleen wil aanpak as jy ander kan saamnooi. Sou jy ‘n goue medalje as individuele wenner geniet as jou span nie ook op die podium kan staan nie? Jy sal dit menigvuldige kere meer geniet as jy dit, plus ‘n spanmedalje kan verower.!!!! Temperament word beskou as ‘n gawe en moet voortdurend vertroetel word om aan die lewe te bly. Groot kompetisie bou temperament en word gevoed deur selfvertroue daarom is dit kardinaal belangrik om onsself met alle kennis toe te rus, en tegnieke te slyp op alle tereine van die faset. Hoe meer ons kompeterend hengel hoe beter sal ons temperament word. Kyk maar na die doelwitte later gestel in die dokument.

“‘n Goue gedagte: Jy kan niks wat werklik van waarde is alleen doen nie. Dit is die wet van betekenis”

Evalueer jouself teenoor die vier aspekte hierbo genoem en as jy enige van hulle in jou mondering bespeur moet jy onmiddelik pogings aanwend om dit te oorkom. Hoe gouer jy ‘n spanspeler word , hoe gouer sal jy jou drome verwesenlik.

OPERASIE SKOONMAAK SKUINSDRAAI FLAG BOSHIELO

Die dagbestuur van die provinsie versoek dat alle provinsiale spanne op die 23ste Junie hulle oefendae by die oewer sal aanbied. Die doel daarvan is om 'n begin te maak met die skoonmaak van die oewer sodat dit weer hengelbaar kan raak vir toekomstige gebruik vir ligas en ander toernooie.

Bring soveel moontlike hengelaars en helpers saam as wat julle kan en kom ons doen die ding.

Kyk die fotos van hoe die oewer nou lyk as die water terug getrek het.